Debutim me gol nga goditja e dënimit për Lionel Messin. Në eksperiencën e parë amerikane, fituesi i 7 Topave të Artë, njëkohësisht kampioni i botës në fuqi dhe një nga lojtarët më të mëdhenj të historisë, tërhoqi vëmendjen e gjithë Amerikës që shpreson të nisë një rrugë të re që do të fuqizojë shumë futbollin edhe përtej Atlantikut.

Ylli argjentinas i ka dhënë fitoren ekipit të tij në minutën e 90+4’ në Kupën e Ligës së Amerikës Veriore dhe Qendrore. Goli i kampionit të botës me Argjentinën ishte një perlë fantastike, pasi Messi ekzekutoi një goditje dënimi duke e dërguar drejtë e në rrjetë dhe bëri që i gjithë stadiumi të çmendej për të.

Messi dhe Busquets e nisën ndeshjen e tyre debutuese nga stoli, duke u aktivizuar të dy në minutat e para të pjesës së dytë.

Historical day for MLS. ????

? @MLS pic.twitter.com/CR1YAy159o

— Fabrizio Romano (@FabrizioRomano) July 22, 2023