Gjatë një interviste të zhvilluar për “Prive”, moderatorja Arbana Osmani, ka folur për edicionin e tretë të “BBV”, një format ky jo i panjohur për të pasi dikur ka qenë ajo në krye të moderimit të tij, teksa është shprehur se nuk ka patur mjaftueshëm kohë për ta parë pothuajse të gjithë por shprehet se për suksesin që ky edicion ka patur ndjehet e gëzuar.

“E kam parë shumë pak me thënë të drejtën.”-thotë Arbana Osmani për këtë edicion të “Big brother VIP 3”.

Sakaq ajo ka lënë gjithashtu një koment dhe për moderatorin e këtij edicioni, Ledion Liçon:

“Ledionin e kam mik. Kam shumë lëvdata për të. E kam njohje shumë të vjetër edhe kemi kujtime shumë të bukura bashkë. Është një profesionist që unë e vlerësoj dhe nuk kam kritika. Nuk ka nevojë ta shoh shumë “BB”. Ndjek pak dhe e kuptoj. Kam parë që ka patur sukses dhe më bëhet shumë qejfi.”