Ish-kompania e investimeve të Jolie, Nouvel, akuzon Pitt dhe “bashkëkomplotistët” për përpjekje për të mbajtur kontrollin e Château Miraval duke “zhveshur” dhe “plaçkitur” asetet e saj. Nouvel po kërkon të paktën 350 milionë dollarë dëmshpërblim.

“Pitt shpenzoi kot asetet e kompanisë, duke shpenzuar miliona për projekte të kota, duke përfshirë më shumë se 1 milion dollarë për rinovimin e pishinave, ndërtimin dhe rindërtimin e një shkalle katër herë dhe duke shpenzuar miliona për të restauruar një studio regjistrimi.”

Avokatët e Nouvel pretendojnë në dosje se “sjellja e keqe” e Pitt u përshkallëzua pasi Jolie shiti Nouvel në tetor 2021 te Tenute del Mondo, një degë e Stoli Group, e kontrolluar nga oligarku rus Yuri Shefler.

Ankesa pretendon se Brad  “grabiti” biznesin, duke shpenzuar miliona dollarë fitime në projekte joserioze, duke përfshirë rinovimin e një studio regjistrimi. Avokatët e Nouvel thonë se biznesi i Pitt i detyrohet kompanisë 350 milionë dollarë. Ai e ka akuzuar atë se ka shitur pjesën e saj në kompani, në kundërshtim me një marrëveshje që ata kishin bërë kur ishin të martuar. Dyshja u ndanë në vitin 2016.

Jolie ngriti një kundërpadi, duke pretenduar se nuk kishte kurrë një marrëveshje të tillë dhe se ajo shiti pjesën e saj të kantinës në një përpjekje për të pasur “pavarësi financiare” nga Pitt dhe për “të kishte një formë paqeje dhe mbylljeje në këtë kapitull thellësisht të dhimbshëm dhe traumatik për jetën e saj dhe të fëmijëve të tyre.” Ish-çifti bleu pronat e vendit dhe punishten e verës në jug të Francës në vitin 2008.