Në një event për modën britanike, Mbreti Charles III dhe David Beckham u takuan të enjten, më 18 maj. Ish-ylli i futbollit i bëri një surprizë të këndshme monarkut të ri. I ofroi një kavanoz me mjaltë që e bëri vetë në shtëpi, ku mban koshere bletësh.

Beckham thuhet se ka ngritur koshere bletësh në kopshtin e shtëpisë së tij në Cotswolds që nga koha e karantinës. Mbreti Charles III dukej se ishte veçanërisht mirënjohës për dhuratën e Davidit.

 “Natyrisht që është një javë e rëndësishme për Madhërinë e Tij dhe familjen e tij dhe ne jemi shumë të emocionuar që jemi këtu sonte. Është kënaqësi e madhe të takojmë mbretin. Gjithmonë e kam dashur familjen mbretërore”, tha David pak para takimit me monarkun e ri.