Kim Kardashian dhe Pete Davidson mbërritën në Met Gala 2023 të ndarë, ndryshe nga një vit më parë ku ata ishin çifti që rrëmbeu vëmendjen e të gjithëve. Kardashian u pa me një fustan Schiaparelli, me disa tekstura që njerëzit pyesnin nëse ishte lëkurë apo pëlhurë me sytjena nudo dhe minifund. Kim sipër kishte një rrjetë perlash.

Kur u intervistua nga USA Today, ajo tha, “Ndjehem sikur Karl ishte gjithmonë super magjepsës” Kim Kardashian është një admiruese e madhe e Karl Lagerfeld dhe të qenit kaq afër legjendës së modës e bëri atë të sjellë një nga veshjet më të mira të modës, duke përfshirë grupin e mrekullueshëm të perlave që mbulojnë pjesën më të madhe të trupit të saj.

Në një postim në Instagram në vitin 2019, ajo shkroi, “Ne humbëm një legjendë të vërtetë!!!! Ti ishe një frymëzim i tillë për botën! Ti bëre xhirimin tim të parë të modës dhe unë isha shumë nervoze për të punuar me një ikonë të tillë! Bota është kaq shumë më e lezetshme sepse ti ke ekzistuar! Jam shumë i nderuar që të kam takuar dhe pata mundësinë të punoj me ty. Je shumë i dashur dhe do të më mungosh shumë”.

Pete Davidson gjithashtu mbërriti në gala me një veshje shumë unike që përshtatej në mënyrë të përkryer me stilin e tij të qetë. Ai kishte vendosur një kapelë peshkatari, një pardesy të zezë ku në disa pjesë ishte me shkëlqim dhe poshtë kishte një bluzë të bardhë me nuanca, kishte veshur pantallona dhe këpucë krejt të zeza.

Ata janë fotografuar duke shkëmbyer shikime mes njëri-tjetrit, dhe duke qenë afër në biseda me njerëz të tretë. Edhe pse romanca e tyre u shua në gusht dhe të dy u ndanë pas nëntë muajsh lidhje, ata kishin “shumë dashuri dhe respekt për njëri-tjetrin”. Sipas burimeve ata u ndanë pasi oraret e tyre të ndryshme e bënë vërtet të vështirë ruajtjen e një marrëdhënieje.