Nëna e yllit të futbollit Cristiano Ronaldo është dërguar me urgjencë në spital pasi pësoi një goditje në kokë.
Dolores Aveiro, nënë e katër fëmijëve shkoi në spital në qytetin e saj të lindjes, Madeira rreth orës 5 të mëngjesit.
Mediat lokale thonë se ishte në gjendje të qëndrueshme. Ajo do të bëjë disa analiza në orët në vijim për të mësuar cili është rezultati.
Një tjetër media lokale tha se pësoi goditje ishemike, e cila shkaktohet nga një mpiksje gjaku që bllokon qelizat e gjakut në tru.
Ky është rasti më i zakonshëm i goditjes. Në fillim të vitit të kaluar, Dolores deklaroi se po luftonte me jetën pasi vuante nga kanceri i gjirit.
Në vitin 2009, Ronaldo dhuroi 100 mijë paund për të krijuar një qendër për trajtimin e kancerit në spitalin ku po trajtohej nëna e tij. Por në shkurt të vitit të kaluar, pasi udhëtoi për në Itali për të festuar ditëlindjen e djalit të saj, konfirmoi se kishte probleme të tjera shëndetësore.
“Unë u operova nga njëri gji në Madrid, kam bërë radioterapi dhe po luftoj me jetën time”, tha ajo për një televizion portugez.
Ende nuk ka një deklaratë zyrtare nga stafi i spitalit për gjendjen shëndetësore të Dolores.