Më pak se dy javë nga vdekja tragjike e legjendës së basketobollit, vajzës së tij 13-vjeçare dhe 7 personave të tjerë, publikohet raporti paraprak mbi aksidentin.

Informacionet kanë treguar se helikopteri me të cilin ata po fluturonin nuk kishte asnjë problem me motorin pasi ky i fundit po punonte në momentin e rrëzimit.

Teksa Bordi Kombëtar i Sigurisë vazhdon hetimet e ngjarjes, një dëshmitar ka konfirmuar se helikopteri po fluturonte nëpër mjegull para se rrëzohej në kodrën e Calabasas në Los Angeles.

Tashmë shkak kryesor për këtë aksident që i mori jetën 9 personave mendohet të jenë kushtet e këqija atmosferike.

Kobe Bryant, vajza e tij Gianna dhe 7 miqtë e tyre ishin duke fluturuar për në provat e ndëshjes së basketbollit të 13-vjeçares së ndjerë.