Taylor Swift thuhet se ka shpenzuar 160,000 dollarë për dhuratat luksoze për ekipin e saj, pasi bëri histori duke siguruar çmimin e saj të katërt për albumin më të mirë “Grammy”.

Këngëtarja, 34 vjeçe, theu rekorde të dielën në mbrëmje në ceremoninë prestigjioze të muzikës kur iu dha çmimi për albumin e saj të vitit 2023, Midnights.Taylor e ka fituar këtë çmim më shumë se çdo muzikant tjetër në historinë 66-vjeçare të ceremonisë.

Megjithatë, në vend që ta merrte të gjithë lavdinë për vete, Taylor që atëherë ka qenë e zënë duke siguruar dhurata falënderimi për ekipin e saj prej 30 personash në prapaskenë.

U.S Sun raportoi se Taylor në një gjest mirënjohjeje i dhuroi ekipit të saj i cili përfshin këshilltarë, asistentë, agjentë dhe menaxherë, dhurata nga Cartier dhe Louis Vuitton.