E hëna e parë e Majit shënon eventin më të madh të modës në botë “Met Gala”. Në këtë Met Gala do të zhvillohet dhe ekspozita për të ndjerin Karl Lagerfeld. Elita e Hollywood-it po përgatitet të shfaqet me veshjet e tyre më në modë ndërsa nderon ikonën Karl Lagerfeld në Met Gala 2023.

Është lajmëruar që në Shtator nga Java e Modës në Paris se kjo gala do të jetë për nder të Karlit.

Organizatorët e ngjarjes vjetore, e cila do të mbahet të hënën, më 1 maj, njoftuan temën e Gala-s së Kostumeve të Muzeut Metropolitan të Artit në shtator 2022. E titulluar zyrtarisht, “Karl Lagerfeld: Një linjë e bukurisë”, mbrëmja do të nxjerrë në pah trashëgiminë e stilistit të ndjerë gjerman të modës, i cili vdiq në vitin 2019 në moshën 85-vjeçare.

Ka të ngjarë që shumë nga të famshmit që do të marrin pjesë do të veshin diçka vintage dhe veshje nga koleksionet e mëparshme të Karl.

Por, kë do të shohim të pranishëm këtë vit? Edhe pse ende të pakonfirmuar, e sigurt është që Dua Lipa, Michaela Coel, Penelope Cruz dhe Roger Federer do të jenë prezentë në natën e madhe pasi janë bashkë-organizatorë të eventit.

Anok Yai, Shalom Harlow, Kendall Jenner, Liu Wen, Adut Akech, Natalia Vodianova, Naomi Campbell, Amber Valletta, Gigi Hadid dhe Devon Aoki u shfaqën secila në kopertinën e fundit të American Vogue në një homazh për Lagerfeld si 10 nga modelet që ai më pëlqente më shumë të punonte, kështu që me shumë mundësi ato do të jenë të pranishme.

Transmetimi i drejtpërdrejtë është caktuar të fillojë në orën 23:00 të datës 1 Maj.