Këngëtarja kolumbiane Shakira vazhdon të fitojë para pas ndarjes së saj me Gerard Pique dhe jo vetëm që po fiton para në industrinë e muzikës, por tani ka lançuar edhe një parfum të ri të frymëzuar nga fuqizimi i femrës.

Këngëtarja pas “Copa vacias” njoftoi në llogarinë e saj zyrtare në Instagram se kjo aromë e re është gati të dalë në treg. Lajmin e ka bërë të ditur vetë ajo në një video ku ka etiketuar llogarinë e Shakira Parfumes.

“Njihuni me Rojo, aromën e re të feminitetit të fuqishëm dhe Eau de Parfume të parë nga Shakira Parfumes”, thuhet në mesazhin e klipit që ajo ka shpërndarë. Ajo gjithashtu shfaqet në këtë video të shkurtër, e veshur me një veshje shumëngjyrëshe në lidhje me emrin e aromës. Materiali është vendosur në remix të “Girl like me”.

Ky mesazh i çmendi menjëherë ndjekësit e saj, pasi nuk është produkti i parë i këtij lloji që ka kolumbianja. Ajo tashmë ka në treg edhe tre parfume të tjera që karakterizohen nga aroma dhe cilësia e tyre. Mes tyre bie në sy aroma e “Dance”, pasi edhe në shishe shfaqet kërcimi më mitik i Shakirës në “Hips Don’t Lie”.

Sipas trailerit të shkurtër të reklamës, shishja e “Rojo” është drejtkëndëshe dhe e thjeshtë, aroma e saj është e ëmbël me nota mjedër dhe një prekje qelibar. Në Shtetet e Bashkuara tashmë është në dispozicion për 25 dollarë në Amazon.

Shakira nuk është e vetmja këngëtare me një linjë parfumesh në treg dhe shumica e yjeve përfitojnë nga imazhi i tyre për ta shfrytëzuar atë në produkte të ndryshme.