Tre persona të tjerë kanë rezultuar pozitiv ndaj koronavirusit në Elbasan duke e çuar në 15 totalin e të infektuarve në këtë qytet.

Rastet e fundit thuhet se kanë lidhje me të pronarin e lokalit pranë Gjykatës së Elbasanit, i cili u konfirmua si i infektuar para disa ditësh, thonë burime për ISHP.

Ndërkohë thuhet se janë shëruar tre pjesëtarët e familjes së 35-vjeçarit, rasti i parë me Covid-19 në Elbasan.

Të tre anëtarët e familjes përkatësisht të moshës 31, 57 dhe 59 vjeç, janë shëruar nga koronavirusi.

Së bashku me rastet e reja të ditës së sotme, ata duhet të vijojnë të qëndrojnë në karantinë.