“Friends” mbush 30 vjeç dhe Jennifer Aniston shpërtheu në lot duke reflektuar mbi serialin hit në një intervistë me Quinta Branson.

Aktorja, e cila i detyrohet një pjesë të madhe të famës së saj Rachel Green të ‘Friends’, u emocionua gjatë episodit të fundit të serialit të Variety’s Actors On Actors në YouTube. Nuk munguan referenca për Matthew Perry i cili vdiq tetorin e kaluar. Kur u pyet për serialin, ajo u përgjigj duke thënë: “Mos më bëni të qaj“.

Disa sekonda më vonë, Aniston “u përkul”, e ndërpreu transmetimin.  Ndër të tjera, aktorja ka përshkruar ditën kur do të jepte premierën e “Friends”.

“Është kaq e çuditshme të mendosh se ajo është 30 vjeçe”, dëgjohet të thotë Aniston për premierën e serialit. “Për shkak se e mbaj mend ditën kur do të shfaqej premierë në NBC, unë dhe Matthew po hanim drekë diku dhe e dinim që Lisa do të lyente flokët e saj. Kështu ne vrapuam në sallonin e flokëve dhe unë u fsheha, ajo ishte në lavaman dhe ia mora rubinetin djalit që duhej ta bënte dhe sapo fillova t’i laja flokët. Sigurisht që doli jashtë kontrollit, dhe kjo ishte për të ardhur keq. Por emocioni që patëm duket si dje”, kujton ajo. Për kolegët e saj, aktorja tha: “Ata janë një familje e përjetshme”.