Media e njohur britanike “The Sun” i ka kushtuar një hapësirë të veçantë Tiranës dhe turizmit në Shqipëri. “The Sun” këshillon qytetarët britanikë që të kenë në radarin e tyre vendin tonë jo vetëm për çmimet e lira, por dhe për vendet e bukura që mund të shijojnë.
Ndërsa vende si Spanja dhe Greqia kanë qenë ndër destinacionet e preferuara të britanikëve prej vitesh, vendi evropian shpesh është anashkaluar.
Gazeta britanike “The Sun” shkruan se Shqipëria po rritet në popullaritet falë çmimeve të lira, peizazheve të mahnitshme dhe historisë magjepsëse. Pavarësisht se një pjesë e madhe e pushuesve britanikë po e zbulojnë tani vendin mesdhetar, sektori i turizmit në Shqipëri ka qenë në rritje vitet e fundit.
Sipas të dhënave të Bordit Turistik Shqiptar, vendi priti 8,3 milionë vizitorë në vitin 2023, që ishte një rritje prej 4 milionë krahasuar me një vit më parë.
Shumica e pushuesve të huaj thekson prestigjozja britanike dynden në Ksamil, Himarë dhe Sarandë në Rivierën Shqiptare.
Edhe Tirana është një destinacion që po rritet falë çmimeve të përballueshme të ushqimeve dhe pijeve, por edhe historisë së pasur.
Përveç kësaj, kryeqyteti ofron hapësira të shumta akomoduese të cilat po ashtu vijnë me çmime të lira.
Gjuha vendase është shqipja, por duke qenë se anglishtja flitet në shumicën e hoteleve, restoranteve dhe atraksioneve turistike pushuesit britanikë do ta ndjejnë veten si në shtëpinë e tyre.
-
Video virale/ Giorgia Meloni kërcen nën ritmet e Michale Jackson -
Trazira gjatë demonstratës së fermerëve në Francë, 66 të arrestuar
