‘Oxford University Press’ ka zgjedhur “rizz” si fjalën e vitit, duke theksuar popullaritetin e një termi të përdorur nga ‘Gjenerata Z’ për të përshkruar aftësinë e dikujt për të tërhequr ose joshur një person tjetër.

Kjo fjalë u rendit para “Swiftie” (që përdoret për fansat e zjarrtë të Taylor Swift), “situationship” (një marrëdhënie joformale romantike ose seksuale) dhe “prompt” (një udhëzim për një program të inteligjencës artificiale), në vendimin vjetor të ekspertëve të ‘Oxford English Dictionary’.

Katër fjalët finaliste u përzgjodhën me votim publik dhe fituesi u shpall të hënën.

Rizz besohet se vjen nga mesi i fjalës ‘karizëm’ dhe mund të përdoret si folje, si ‘për të biseduar’ me dikë, tha botuesi.

“Ajo flet për mënyrën se si gjeneratat e reja krijojnë hapësira – online ose personale– ku ata zotërojnë dhe përcaktojnë gjuhën që përdorin”, tha botuesi. “Nga aktivizmi tek takimet dhe kultura më e gjerë, ndërsa Gen Z ka më shumë ndikim në shoqëri, dallimet në perspektiva dhe stili i jetesës shfaqen edhe në gjuhë.”