Calvin Harris ka zbuluar se ka në plan të ndalojë së qenuri DJ brenda 10 viteve të ardhshme.
DJ, producenti dhe kompozitori skocez hodhi pak dritë mbi karrierën e tij të ardhshme gjatë një interviste me Capital Dance të mërkurën (21 shkurt).
Pasi mbushi 40 vjeç muajin e kaluar, DJ i njohur zbuloi se nuk do të vijojë të bëjë këtë punë për një kohë të gjatë.
Ai la të kuptohet gjatë intervistës se do të vijojë të jetë DJ deri në moshën 50-vjecare.
Më pas ai foli për mënyrën se si planifikon të kalojë karrierën e tij pasi përfundimisht të ndalojë së bëri këtë profesion.
Ai shpjegon se nuk do të shkëputet nga muzika, por do të krijojë këngë vetëm nga studioja e tij.
Calvin Harris ka realizuar shumë hite të mëdha, duke përfshirë “We Found Love” të Rihanna-s dhe “One Kiss” të Dua Lipës ndërsa ka bashkëpunuar me emra të njohur të muzikës.
