Filmi më i ri i Marvel, “Deadpool & Wolverine” ka pasur një fundjavë hapëse mbresëlënëse në SHBA – duke u bërë hapja e tetë më e madhe ndonjëherë dhe më e mira e vitit deri më tani. Filmi i tretë i Deadpool me Ryan Reynolds në rolin e Deadpool dhe Hugh Jackman në rolin e Wolverine, fitoi 205 milionë dollarë në arkat e brendshme, sipas The Hollywood Reporter.

Është një kontrast i fortë me The Marvels të vitit të kaluar, i cili fitoi vetëm 47 milion dollarë në fundjavën e parë në SHBA, duke e bërë atë hapjen më të ulët të Marvel Cinematic Universe. Në Instagram, Reynolds falënderoi fansat që shkuan për të parë filmin, duke e quajtur suksesin “të vështirë për t’u përpunuar”.

Shqyrtimet nga kritikët kanë qenë të përziera, por shumë e përshkruan filmin si goditjen që i duhej Marvel. Javën e kaluar, Taylor Swift, e cila është mike me Reynolds dhe gruan e tij Blake Lively, u kërkoi njerëzve të shkonin në kinema, duke thënë se Reynolds kishte bërë “punën më të mirë të jetës së tij”.