Elton John fitoi një Emmy për të siguruar statusin e lakmuar EGOT.

Këngëtari 76-vjeçar fitoi çmimin e tij të parë Emmy, duke e bërë atë personin e 19-të që fiton një Emmy, një Oscar, një Tony dhe një Grammy – i njohur si statusi Egot.

Sir Elton e fitoi titullin pasi fitoi një Emmy për Special Variety (Live) për shfaqjen e tij Disney+, Elton John Live: Farewell From Dodger Stadium, një ngjarje që u zhvillua në nëntor 2022.

“Jam jashtëzakonisht i përulur që do t’i bashkohem grupit të talentuar të pabesueshëm të fituesve të EGOT sonte. Udhëtimi deri në këtë moment ka qenë i mbushur me pasion, përkushtim dhe mbështetjen e palëkundur të fansave të mi në mbarë botën. Sonte është një testament për fuqinë e artit dhe gëzimin që sjell në të gjithë jetën tonë. Faleminderit të gjthë ata që më kanë mbështetur gjatë karrierës sime, i jam jashtëzakonisht mirënjohës”, tha këngëtari i “Tiny Dancer” në një deklaratë për ET.

John më vonë reagoi ndaj fitores në Instagram, duke thënë se “kjo njohje është një dëshmi e pasionit dhe përkushtimit të të gjithë të përfshirëve dhe unë jam shumë mirënjohës”.

Të nominuarit e tjerë përfshinin The Apple Music Super Bowl LVII Halftime Show me Rihanna, Chris Rock: Selective Outrage, The Oscars dhe 75th Annual Awards Tony.

Personi i fundit që fitoi statusin EGOT ishte Viola Davis në vitin 2023, pasi ajo siguroi një Grammy po atë vit.