Pas suksesit të “Despechá”, Rosalia ka publikuar këngën e saj më të re “Tuya” me një videoklip fantastik të filmuar në Japoni.

“Eksplorimi është pjesë e asaj se kush jam unë“,  tha ajo në një deklaratë për shtyp kur foli për këtë këngë. Rosalia shihet duke ecur në rrugët e Tokios me qenin e  saj në krah dhe herë të tjera me çadër apo në skena mjaft të nxehta.

Në media është spekuluar se kjo këngë është një dedikm për aktoren e “Euphoria” Hunter Schafer e cila ka qenë prej kohësh mikja e saj e ngushtë.

Edhe pse duket çmenduri për ta, fansat besojnë se ato kanë pasur një marrëdhënie romantike më herët, duke qenë se janë parë bashkë në shumë evenimente prej 2019-ës.

Ato janë parë dhe duke u përqafuar me njëra-tjetrën në një mënyrë që lë vend për keqkuptime. Madje kur këngëtarja latine fitoi çmimin “Rising Star” për muzikë ajo tha: Faleminderit që ke qenë me mua, të dua shumë Am!

Tashmë që klipi është lançuar, njerëzit kanë dyshime të forta se gjithçka lidhet me një natë pasioni që Rosalia dhe Hunter kanë kaluar bashkë. E mesa duket Rosalia është biseksuale pasi dhe vetë i dashuri i saj aktual Rauw Alejandro thotë në një këngë të tij: Kam një mace që është bi...