Finalja e madhe e Eurovision Song Contest 2023 do të zhvillohet në Liverpool Arena pranë lumit Mersey të shtunën më 13 maj, ndërsa gjysmëfinalet të martën më 9 dhe të enjten më 11 maj.

Pra, gjysmëfinalja e parë e Eurovizionit, do të mbahet mbrëmjen e sotme. Ajo do të hapet nga prezantuesja Julia Sanina, ndërsa do të performojë disa nga hitet e saj më të mëdha, këngëtarja shqiptare me famë ndërkombëtare, Rita Ora.

Këngëtarja ukrainase Alyosha, e cila përfaqësoi Ukrainën në Eurovision Song Contest 2010, do të performojë së bashku me këngëtaren dhe kantautoren e mirënjohur Rebecca Ferguson nga Liverpool.

Ashtu si shumë gra ukrainase në vitin 2022, Alyosha u detyrua të largohej nga vendi i saj. Ajo do të ndajë rrugëtimin e saj personal përmes ‘remak-ut’ të ri të “Ordinary World” nga grupi britanik Duran Duran.

Lista e vendeve që do të performojnë në natën e parë gjysmëfinale:

1. Norvegji – Alessandra – Queen of Kings
2. Malta – The Busker – Dance (Our Own Party)
3. Serbia – Luke Black – Samo Mi Se Spava
4. Letonia – Sudden Lights – Aij?
5. Portugalia – Mimicat – Ai Coração
6. Irlandë – Wild Youth – We Are One
7. Kroacia – Let 3 – Mama Š?!
8. Zvicra – Remo Forrer – Watergun
9. Izrael – Noa Kirel – Unicorn
10. Moldavia – Pasha Parfeni – Soarele ?i Luna
11. Šuedia – Loreen – Tattoo
12. Azerbaxhani – TuralTuranX – Tell Me More
13. Çekia – Vesna – My Sister’s Crown
14. Holanda – Mia Nicolai & Dion Cooper – Burning Daylight
15. Finlanda– Käärijä – Cha Cha Cha

Siç parashikohet aktualisht nga sondazhet, Finlanda do të fitojë gjysmëfinalen e parë dhe pas saj garuesit do të rreshtohen si më poshtë: Suedia, Izraeli, Norvegjia, Republika Çeke, Moldavia, Kroacia, Serbia, Holanda, Zvicra, Irlanda, Portugalia, Maltë, Lituani, Azerbajxhan.

Sipas listës përfundimtare të parashikuar të fituesve, vendi i parë dhe më i mundshmi për të fituar është Suedia me përfaqësuesen e saj Loreen me këngën ‘Tattoo’.