Fëmijët e Princit dhe Princeshës së Uellsit dalin shumë të rrallë në publik, por kur e bëjnë, ata gjithmonë duken më të mirët. Shpesh, të tre fëmijët koordinohen stilistikisht me njëri-tjetrin, ashtu siç bëjnë me prindërit e tyre dhe ky ishte rasti në Trooping the Colour të së shtunës.

Për paradën e parë të Mbretit Karli III si monark, të tre fëmijët zgjodhën rroba në të kuqe, blu dhe të bardhë, ngjyrat e Union Jack.

Ndërsa Princi George zgjodhi një kostum marine, që e bënte të dukej tepër i gjatë, me një këmishë të bardhë dhe kravatë të kuqe, Princesha Charlotte zgjodhi një fustan të bardhë, deri në gjunjë me detaje të kuqe.

Princi Louis, 5 vjeç, nga ana tjetër, dukej i adhurueshëm me pantallona të shkurtra të kuqe, një xhaketë sportive blu, këmishë të bardhë dhe kravatë të kuqe.

Fansat mbretërorë, me një sy të mprehtë për detaje, nxituan të theksojnë se Princi Harry kishte veshur të njëjtin look në vitin 1989.

Harry, i cili ishte gjithashtu pesë vjeç në atë kohë, shoqëroi babanë e tij, Princin e atëhershëm të Uellsit, dhe vëllain e tij Princin William në Beating Retreat, të mbajtur në Orangery të Pallatit Kensington, Londër më 29 qershor 1989.

Për ditën e veçantë, Harry kishte veshur pantallona të shkurtra të kuqe, një xhaketë sportive blu, këmishë të bardhë, kravatë të kuqe dhe këpucë blu me çorape për gju.

Edhe pse të dyja pamjet janë identike, ka dallime të qarta mes tyre, që do të thotë se Louis nuk i ka marrë hua rrobat e fëmijërisë së xhaxhait.

Megjithatë, nuk do të ishte plotësisht e pamundur. Si Princi William dhe Kate, në vitin 2015, kur George ishte një vjeç, ai ishte veshur me të njëjtin kostum blu që babai i tij, William, kishte veshur në 1984.