Ben Affleck dhe Jennifer Lopez u shfaqën të tensionuar në premierën e filmit të ri të kësaj të fundit ‘The Mother’ këtë javë të mërkurën mbrëma. Të gjithë menduan se mes çiftit gjërat nuk janë mirë.

Por siç u zbulua nga një lexues i buzëve që foli për Daily Mail, çifti thjesht po diskutonin se si do të pozonin para dhjetëra fotografëve të pranishëm në premierë. JLo në fakt e pyeti Benin nëse ishte “duke treguar shumë” me dekoltenë.

Një lexues i buzëve i tha Daily Mail se çifti, i cili u shfaq i frustruar dhe i acaruar herë pas here, thjesht po debatonte për pozat që do të merrnin për fotografët e tapetit të kuq në eventin e së mërkurës.

U duk sikur Beni po acarohej me Jen, por rezulton se ai në fakt po këmbëngulte që dekolteja e saj ishte mirë.

Eksperti tha se gjatë shkëmbimit tashmë viral, këngëtarja e “Let’s Get Loud” u duk duke e pyetur  Ben nëse bluza e saj  po “dukej shumë”, duke e shtyrë atë të përgjigjej se ishte mirë. Pasi gjeti pozën e tyre të përbashkët, Affleck u shfaq duke i thënë gruas së tij që t’i afrohej më shumë përpara se t’i thoshte: “Mos u shqetëso, vogëlushe”. Lopez me sa duket u përgjigj: “Afrohu pranë meje”.

Pas fotove të tyre të kompletuara, regjisori i “Argo” iu drejtua aktores dhe i tha: “Mbaruam” përpara se ta puthte dhe ta pyeste nëse ishte mirë. Lopez tha, “Po” dhe më pas informoi Affleck se ata duhej të “kalonin atje”.

Edhe pse situata e tyre në tapetin e kuq është sqaruar Lopez dhe Affleck e gjetën veten përsëri në qendër të shtypit kur një video e tij duke “përplasur” derën e saj bëri xhiron e TikTok. Pamjet e ashtuquajtura “të mjera” u filmuan të martën një ditë para premierës “Mother” dhe fansat besuan se dyshja ishin në një grindje. “Ben Affleck  është dukshë i irrituar. Ai përplasi atë derë mbi Jennifer Lopez, “tha një person në Twitter. “Ufff”. “Mund t’i kesh të gjitha” dhe prapë të jesh i mjerë,” vuri në dukje një tjetër. Një i tretë shkroi: “Ai me qëllim e largon shikimin nga ajo ndërsa  është duke hipur në makinë.”