Albumi i shtatë i muzikantit të njohur Justin Bieber, “Changes”, ka debutuar në krye të tabelës ‘Billboard’ të SHBA-së, duke e mposhtur kështu një rekord të vendosur nga Elvis Presley 59 vjet më parë.

Këngëtari kanadez tani është artisti më i ri (25-vjeçar) që arrin të jetë në vendin e parë me të shtatë albumet teksa “Changes” shiti mbi 230 mijë kopje në javën e parë të lansimit.

Bieber është artisti më i ri që arrin diçka të tillë, ndërkohë që Elvis Presley e bëri të vetin këtë rekord në 1961, në moshën 26-vjeçare.