Me rinisjen e hetimeve për vdekjen e aktorit Matthew Perry, aktorët e  “Friends” janë vënë në gatishmëri për të ndihmuar.

Dosja e çështjes nuk është mbyllur dhe hetimet janë ende në vazhdim, me autoritetet që po përpiqen të zbulojnëse kush e furnizoi Matthew  me ketaminë.

Sipas një burimi, aktorët e “Friends” janë të gatshëm, të ndihmojnë në hetimin për të gjetur njeriun që i dha aktorit ketaminë.

“I gjithë kasti është ende i tronditur nga vdekja e Matthew. Jennifer dhe Courteney ishin më të afërta me të dhe të gjithë u takuan së bashku pas vdekjes së tij.

Ata janë duke u përpjekur të kujtojnë se me kë mund të ishte parë aktori kohët e fundit, por është e pamundur të kuptosh se kush mund ta ketë furnizuar atë”, tha burimi.

Ai më pas shtoi: Ashtu si pjesa tjetër e kastit, Jen dhe Courteney thanë se do të bëjnë gjithçka që munden për të ndihmuar autoritetet të gjejnë se kush e furnizoi atë me sasi kaq të rrezikshme të një droge vdekjeprurëse.

Sipas mediave, dy të dyshuar tashmë janë marrë në pyetje dhe janë liruar.