Mos ndoshta Rihanna ka thënë “Po, pranoj”?

Këngëtarja, e cila është shtatzënë me fëmijën e dytë të saj dhe A$AP Rocky, ka krijuar aludime se mund të jetë martuar me reperin. Shkak është bërë mbishkrimi në Instagram krah fotove të tyre në Met Gala.

“Bëni zhurmë për festën e nuses… ja ku vjen nusja “, shkroi ajo në postimin në fjalë.

Në foto, Rihanna mahniti me një fustan të bardhë Valentino, i cili përbëhej nga një pelerinë e zbukuruar me lule dhe një bisht i gjatë.

Ndërkohë, Rocky kishte veshur një xhaketë Gucci dhe një pale pantallona xhins me një fund të kuq me kuadrate.

Postimi i Ririt i bëri fansat të pyesnin nëse ata janë martuar në fshehtësi.

“Ajo po na tregon për martesën e saj,” spekuloi një fans, ndërsa një tjetër shkroi: “Thjesht thuaj që je  martuar që të mund të vazhdojmë të qetë të gjithë LOL se s–t të qenit misterioze është e bezdisshme.”

“Jo, unë mendoj se ajo u martua fshehurazi me këtë burrë,” shtoi një komentues i tretë.

Riri dhe Rocky – emri i vërtetë i të cilit është Rakim Mayers – filluan të takoheshin në vitin 2020 dhe njoftuan në janar 2022 se ata ishin në pritje të fëmijës së tyre të parë.

Çifti u bë me një djalë, emri i të cilit nuk është bërë i ditur për publikun, në maj të 2022.

Rihanna më pas zbuloi se ishte përsëri shtatzënë gjatë shfaqjes së saj epike në Super Bowl këtë shkurt.

Megjithëse zogjtë e dashurisë nuk kanë ndarë shumë detaje në lidhje me shtatzëninë e fundit të fitueses së Grammy, fansat besojnë se ajo do të bëhet me një vajzë, sepse u pa duke blerë veshje rozë muajin e kaluar.