Zelanda e Re do të shfuqizojë ligjin e parë në botë që ndalon pirjen e duhanit për brezat e ardhshëm të martën, njoftoi qeveria e vendit, edhe pse studiuesit dhe aktivistët paralajmëruan për rrezikun e vdekjes së njerëzve si rezultat i vendimit.

Rregullat më të ashpra në botë kundër pirjes së duhanit, që do të hynin në fuqi në korrik, duke ndakuar pirjen e duhanit për ata që kanë lindur pas 1 janarit 2009, dhe do të kufizonin përmbajtjen e nikotinës në produktet e duhanit, duke zvogëluar në këtë mënyrë numrin e shitësve me pakicë të duhanit me më shumë se 90%.

Qeveria e re e koalicionit e zgjedhur në tetor konfirmoi se shfuqizimi i ligjit të mësipërm do të bëhet të martën në mënyrë emergjente, duke i lejuar të shfuqizojë ligjin pa konsultim publik, në përputhje me planet e paralajmëruara më parë.

Zëvendësministri i Shëndetësisë Casey Costello tha se qeveria e koalicionit ishte e përkushtuar për të reduktuar pirjen e duhanit.

Vendimi, i cili është kritikuar për ndikimin e tij të mundshëm në rezultatet shëndetësore të Zelandës së Re, ka rritur shqetësimet për një ndikim edhe më të madh negativ në popullatat Maori dhe Pasifika, të cilët kanë norma më të larta të pirjes së duhanit.

“Provat klinike në shkallë të gjerë dhe studimet e modelimit tregojnë se legjislacioni do të kishte rritur me shpejtësi normat e lënies së duhanit dhe do ta bënte shumë më të vështirë për të rinjtë që të fillonin duhanin,” tha Hook, bashkëdrejtor i një grupi që studion mënyrat për të reduktuar duhanin.