Selena Gomez duket si nje njeri mjaft social, megjithate kengetarja zbuloi se ne fakt, ka më shumë shoqëri me njerëzit e qetë.

31-vjeçarja foli për miqësitë e saj në një intervistë për Time, duke zbuluar se disa nga miqtë e saj më të mirë nuk janë yje të Hollywood-it por janë persona që nuk u intereson fama e saj.

“Është klishe, por vajzat janë të këqija, – tha Gomez për “The Time”. – Ndihet njëfarë gare e çuditshme kur je mes vajzave të bukura dhe kjo më konfuzon.”

Aktorja e “Only Murders in the Building” zbuloi se shoqëria e saj e ngushtë përfshin një drejtor kasti, një producent dhe një agjent imobiliar.

Gjithashtu, preku pak temën e vetmisë dhe pranoi se është “e vështirë” ta kalosh.

“Mund të jesh mes një turme njerëzish dhe prapë të ndihesh vetëm. Po punoj ende për këtë”, – tha dhe shtoi se përballet shpesh me zemërthyerje.

Kujtojmë se këngëtarja e “Same Old Love” zbuloi se kur ishte beqare, kishte planifikuar që në moshën 35-vjeçare të adoptonte një fëmijë po të mos kishte takuar ende dikë. Por, pasi romanca me producentin muzikor, 36-vjeçar, u bë serioze, planet e saj ndryshuan. Ajo duket mjaft e dashuruar pas Benny Blanco-s dhe ne të ardhmen e afërt e sheh veten krah tij.