Aplikimet për herë të parë nga të diplomuarit e shkollave të mesme amerikane në Harvard janë ulur me 17% këtë vit, duke e lënë interesin për universitetin më të mirë në nivelin më të ulët në katër muaj, sipas shifrave zyrtare.

Siç njoftoi administrata e Harvardit, nga 7,921 aplikime, 692 kandidatë u pranuan në programin e regjistrimit të hershëm që përfundon deri më 1 nëntor të çdo  viti.

Vitin e kaluar në të njëjtën periudhë janë dorëzuar 9553 aplikime.

Rënia dramatike e aplikimeve vjen në një kohë kur Harvardi është përfshirë në një polemikë kombëtare mbi mënyrën se si universitetet e mëdha amerikane trajtojnë incidentet e antisemitizmit pas sulmit terrorist të Hamasit në Izrael më 7 tetor dhe reagimit ushtarak të Tel Avivit.

Deri më 1 nëntor,  Harvardi ishte vënë nën kritika për një letër të diskutueshme të nënshkruar nga 30 studentë, e cila argumentonte se Izraeli mban “përgjegjësinë e plotë” për dhunën në rajon.

Në javët në vijim, disa të diplomuar shprehën zemërimin për përgjigjen e administratës së Universitetit ndaj letrës dhe rritjen e incidenteve antisemite, me më shumë se 1,600 prej tyre që kërcënuan të ndalonin dhurimin për institucionin.

Megjithëse nuk është e qartë nëse antisemitizmi ndikoi në aplikimet e studentëve të mundshëm në Universitet, këshilltarët specialë i thanë CNN se ata janë në dijeni të rasteve të studentëve të ardhshëm që nuk aplikuan në Harvard kur panë reagimin e administratës së universitetit.