U njoftua në vitin 2020 se historia do të vazhdonte në një seri televizive të animuar, por Disney së fundmi konfirmoi se ajo është duke u ripërpunuar në një film artistik.

I publikuar në vitin 2016, filmi i parë ndjek personazhin kryesor në Polinezinë e lashtë, ndërsa ajo i përgjigjet thirrjes së Oqeanit dhe përpiqet të shpëtojë ishullin e saj nga një mallkim. Në filmin e parë, Moana shkon në një udhëtim përtej oqeanit me gjysmëperëndinë Maui, për të ndihmuar në shpëtimin e popullit të saj. Në kapitullin tjetër, ne do ta shikojmë atë të nisë një mision të rrezikshëm në detet e largëta të Oqeanisë, pasi të marrë një telefonatë nga paraardhësit e saj.

Vazhdimi i “Moana”, nga përshkrimi, pritet të jetë “një aventurë ndryshe nga çdo gjë që ajo është përballur ndonjëherë“.

Për fat të mirë, kasti origjinal mbetet i njëjti, duke përfshirë Auli’i Cravalho si Moana, Dwayne ‘the Rock’ Johnson si Maui, Nicole Scherzinger si Sina dhe Temuera Morrison si Shefi Tai.