Më shumë se 2200 njerëz do të marrin pjesë në kurorëzimin e mbretit Charles, njoftoi sot Pallati Buckingham.

Këto përfshijnë përfaqësues ndërkombëtarë nga 203 vende, komunitete dhe organizata.

Charles, i cili u bë monark i Mbretërisë së Bashkuar dhe 14 vendeve të tjera të Commonwealth (Kanada, Australia, Zelanda e Re, Xhamajka, Bahamas, Grenada, Papua Guinea e Re, Ishujt Solomon, Tuvalu, Saint Lucia, Saint Vincent dhe Grenadinet, Antigua dhe Barbuda, dhe St. Belize).

Në shërbimin në Westminster Abbey të shtunën më 6 maj do të marrin pjesë edhe fitues të çmimit Nobel, përfaqësues fetarë, krerët e shteteve dhe ministrat e jashtëm, tha Pallati.

Përveç këtyre të ftuarve, 400 të rinj që përfaqësojnë organizata bamirësie do të marrin pjesë në ceremoninë e kurorëzimit dhe procesionet nëpër Kishën e Shën Margaretës, pranë Avaio.

Parakalimi para publikut është një nga momentet kryesore të ditës së kurorëzimit dhe një nga ceremonitë më antike, ku vetë Charles do të përshëndesë miliona britanikë që do të mblidhen këtë të shtunë të 6 majit në Londër.

Për 1 javë rresht, janë me dhjetëra britanikët që kanë zënë vendin e tyre, për të qenë në radhë të parë atë ditë e për të mos humbur asnjë moment.

Edhe pse gjithçka do të transmetohet edhe në ekranet e mëdhenj e gjigandë në çdo cep të Londrës, siç e meriton një ditë feste e tillë, kryeqytetasit britanikë që janë shumë të lidhur me mbretin, kanë bërë gati karriget, batanijet, ushqimet e pijet për një javë.