Diskutohet prej muajsh mundësia e një rikthimi të aktorit të famshëm Johnny Depp në rolin ikonik të kapitenit Jack Sparrow në “Pirates of the Caribbean”. Depp u përjashtua nga saga e shumëadhuruar e piratëve në 2018-tën për shkak të akuzave për dhunë të ish bashkëshortes, Amber Heard. Por pasi u shpall i pafajshëm, duket se mund të ketë shanse rikthimi me argumentin t`i sjellë filmit një “energji të re”.

Në një intervistë të fundit për “New York Times”, presidenti i Disney Studios Motion Picture Production, Sean Bailey, ka folur për filmin e gjashtë të Pirates, duke lënë të hapur mundësinë e një rikthimi te yllit hollivudian.

“Mendojmë se kemi një histori vërtet të bukur dhe emocionuese që nderon filmat e mëparshëm, por ka edhe diçka të re për të thënë”, tha Bailey, i cili, duke folur për praninë e mundshme të Johnny, nënvizoi se si studioja e filmit ishte “pa përkushtim në këtë pikë.

Prandaj, ndryshe nga herët e mëparshme, mungesa e mohimit kete radhe ka ushqyer shpresën tek shumë përdorues për rikthimin e mundshëm të Depp në rolin e një prej personazheve më të vlerësuar nga publiku i gjerë.