Kjo akullore që shihni në foto quhet byakuya  “nata e bardhë” në japonisht dhe aktualisht po kap vlerën prej 6,380 dollarë, duke u bërë  zyrtarisht akullorja më e shtrenjtë në botë, sipas Rekordeve Botërore Guinness.

Akullorja mbulohet me një gjethe ari e ngrënshme, dy lloje djathi dhe “Sake kasu”.

Marka japoneze e akullores Cellato e quan natën e bardhë një gelato në faqen e saj të internetit dhe emri është një aluzion i origjinës së saj italiane.

“Na u deshën mbi 1.5 vjet për t’u zhvilluar, me shumë prova dhe gabime për të marrë shijen e duhur”,  tha një përfaqësues nga kompania për Guinness World Records.

Ndërsa ekipi i rekordeve botërore të Guinness nuk ka pasur një shans për të provuar ëmbëlsirën, Cellato më herët ofroi një seancë degustimi për stafin e tij dhe e përshkroi si “të pasur në shije dhe cilësi”.