Çmimet e picave dhe byrekut në Bashkimin Evropian në dhjetor të vitit të kaluar ishin 5.9% më të larta se në të njëjtin muaj të vitit 2022, njoftoi Eurostat.

Në periudhën paraardhëse, nga dhjetori 2021 deri në dhjetor 2022, çmimet e picave dhe byrekut u rritën me 15,9%, nga ku rezulton se inflacioni po zbutet edhe në këtë kategori.

Gjatë vitit të kaluar, picat dhe byrekët janë rritur më së shumti në Hungari, me 13,4 %, në Luksemburg me 11,3 % dhe në Letoni me 10,6%.

Holanda është i vetmi vend në Bashkimin Evropian ku picat dhe byrekët janë bërë më të lira, me 0,9 %, ndërsa rritje shumë modeste çmimesh janë shënuar në Danimarkë, me 0,6 % dhe në Belgjikë, me 1 %.

Eurostat i publikoi këto statistika me rastin e Ditës Botërore të Picës, e cila festohet më 9 shkurt.