Ditëlindja e 27-të e ka gjetur Eni Koçin në një fazë të re dhe të lumtur. Në një postim në rrjetet sociale, Eni ka ndarë foto krah partnerit Genc Prelvukaj me vajzën e tyre Adea në krahë.

Këngëtarja shprehet se tashmë është e plotësuar ndërsa kjo është ditëlindja e saj e parë me statusin e nënës.

“Sot festoj ditëlindjen më të bukur e më të veçantë. Festoj ditëlindjen timë të parë me Adean në krah. Më e plotësuar dhe më e lumtur se kurrë. Vitet kalojnë shpejt dhe njeriu kupton që gjëja më e shtrenjtë në botë dhe që nuk ka çmim, është familja. Happy birthday to me!”.

Eni dhe Genci u bënë prindër në Tetor të vitit që lamë pas.