Një stuhi breshri në Parkun Red Rocks dhe Amfiteatrin në perëndim të Denverit la të plagosur rreth 100 pjesëmarrës në koncertin e Louis Tomlinson. Stuhia bëri që koncerti të anulohej, për shkak të sasisë së breshrit që binte pa pushim deri në orët e para të mëngjesit.

Sipas West Metro Fire Rescue, shtatë persona u dërguan në spital me lëndime dhe 80 deri në 90 pjesëmarrës të tjerë u trajtuan në vendngjarje. Disa fansa shkuan në Twitter se breshri i kishte lënë me gishta dhe duar të thyera, ndërsa pamjet nga vendi i ngjarjes treguan të tjerët duke u trajtuar nga mjekët.

Në fotot e shpërndara shihej gjithashtu sasia e breshrit që mbushën teatrin. Me anë të një postimi në Twitter kantautori britanik i “Back To You” tregoi se ndihej i shkatërruar që shfaqja ishte anuluar.

“I shkatërruar për shfaqjen sonte, shpresoj që të gjithë të jenë mirë, do të kthehem! Edhe pse nuk e realizuam shfaqjen, ndjeva gjithë pasionin tuaj! Ju dërgoj të gjithëve dashuri!”, shkroi ai.