Më shumë se 160 milionë njerëz në SHBA jetojnë në zona të rrezikuara për shkak të temperaturave rekord. Në zonat lindore dhe jugore të SHBA-së temperatura është më e lartë se normalja, por pjesa perëndimore e vendit është më e prekur nga i nxehti ekstrem.

Në Las Vegas, Nevada, temperatura më e lartë e regjistruar ndonjëherë u regjistrua të dielën, 48.9 gradë Celsius. Ndërkohë janë raportuar të vdekur në të gjithë rajonin nga vapa.

Për shembull, një motoçiklist vdiq të shtunën në Luginën e Vdekjes pasi temperatura shënoi mbi 52 ° Celsius atë ditë. Në Oregon, të paktën katër persona kanë vdekur që nga e premtja, ndoshta për shkak të të nxehtit, raportojnë mediat lokale.

Temperatura në qytetin e Salem arriti të hënën në 40 gradë Celsius, në një kohë kur kushtet e motit në këtë shtet veriperëndimor të SHBA janë zakonisht më të buta.

Në Kaliforni, Arizona apo Idaho, dhjetëra qytete kanë regjistruar temperatura të rekord ditët e fundit. Temperaturat e larta po e bëjnë të vështirë edhe për zjarrfikësit që po luftojnë për të vënë nën kontroll shumë zjarre në Kaliforni.

Në zonën e Santa Barbara, zjarret kanë shkatërruar rreth 110,000 hektarë. Kjo valë e të nxehtit vjen në një kohë kur qershori ishte tashmë më i nxehti i regjistruar ndonjëherë në nivel global, sipas Observatorit Europian Copernicus.