Pas muajsh pritje, filmi ‘Barbie’ pati premierën botërore në Los Angeles. Margot Robbie nuk është vetëm producente në film, por luan edhe personazhin kryesor të filmit.

Ajo doli në tapetin e kuq në premierën e filmit “Barbie” e veshur si kukulla e njohur. 33 vjeçarja shpesh herë është frymëzuar nga veshjet e kukullës ikonike në daljet e saj publike për të promovuar filmin.
Historia e filmit nis me Barbie që jeton jetën e saj së bashku me të dashurin e saj Ken që luhet nga aktori Ryan Gosling.

Barbie dëbohet nga bota perfekte ku ajo jeton për shkak se nuk është mjaft e përsosur dhe nis një aventurë në botën reale. Kolona zanore e filmit ka ndikuar gjithashtu në interesin e madh të publikut rreth filmit, me muzikantë si Nicki Minaj, Billie Eilish dhe Dua Lipa.

Filmi “Barbie” do të shfaqet në Shtetet e Bashkuara të Amerikës më 21 Korrik.