Rekordmenia më e suksesshme e historisë së tenisit botëror, Serena Williams do të bëhet mama për herë të dytë. 41-vjeçarja e tërhequr plotësisht nga aktiviteti sportiv e jep lajmin për të gjithë ndjekësit e saj në Instagram.

Teksa shoqërohej nga bashkëshorti i saj Alexis Ohanian, në Muzeun e Arteve në New York, fustani i zi nuk mund ta fshihte rrumbullakosjen.

Në Instagramin e saj më pas konfirmoi lajmet e shtatzënisë duke shkruar: Të lumtur që Met Gala këtë vit na ftoi të treve.

Ndër femrat e njohura të sportit dhe jo vetëm që kanë nxituar ta urojnë janë Caroline Wozniacki, këngëtarja Ciara, aktorja Tabitha Brown dhe skiatorja Lindsey Vonn.

Williams dhe bashëkshorti i saj Alexis Ohanian u bënë prindër të vajzës Alexis Olympia Ohanian Jr. në vitin 2017, ndërsa ata po bashkëjetojnë që prej vitit 2015.

Serena është rekordmene e turneve grand slam pasi ka fituar 23 të tillë si akush tjetër në sportin e tenisit, ndërsa ka triumfuar edhe në 14 turne grand slam çift. Ajo u tërhoq nga tenisi i luajtur në muajin shtator të vitit të kaluar.