Tema e ‘Met Gala’ e këtij viti, ‘Karl Lagerfeld: A Line of Beauty’, frymëzoi disa veshje të mrekullueshme të veshura në homazh ndaj punës së stilistit të ndjerë – si dhe një numër veshjesh si mace duke nderuar dhe macen Birman 11-vjeçare të Lagerfeld, Choupette.

Reperja Doja Cat u shfaq në Met Gala-n e saj të parë me një fustan maceje nga Oscar De La Renta me veshë, një hundë dhe thonj maceje.

Menjëherë pas saj, dikush i veshur me një kostum dhe kokë maceje me gëzof, me sy blu dhe mustaqe gri që i ngjanin shumë Choupette, mbërriti në tapet. Kur koka e maces u hoq, u zbulua se ishte aktori Jared Leto, i cili luan si Lagerfeld në një film biografik të ardhshëm që ai do të prodhojë.

Zgjedhjet e ngjashme të yjeve në tapetin e kuq nxitën disa meme virale.

Dhe reperi Lil Nas X iu përgjigj gazetarëve vetëm me “mjaullime” kur u pyet për veshjen e tij

Macja e Lagerfeld ka rreth 175,000 ndjekës në Instagram. Në llogarinë e saj u bë një postim ku shkruhej: “Shumë njerëz më ftuan të ecja në tapetin e kuq të Met Gala 2023 për nder të babait, por ne preferuam të qëndronim të qetë dhe komod në shtëpi.”

Homazhet për Choupette u panë në të gjithë tapetin mbrëmjen e së hënës. James Corden veshi një kostum blu që përputhej me sytë e maces. Janelle Monáe mbante një çantë të bardhë në formën e një maceje, dhe Chloe Fineman mbante një çantë të vogël maceje rozë.