Princ Harry ka deklaruar  se fëmijët e tij nuk mund të  jenë si në shtëpinë e tyre në Mbretërinë e Bashkuar, pasi sipas tij mungon mbrojtja adekuate.

Çifti kanë humbur mbrojtjen e tyre që e marrin nga familja mbretërore nga e cila vendosën të largohen në vitin 2020 dhe të vendosen në SHBA.

Harry po e kundërshton këtë vendim në gjykatë nga një agjenci e “Home Office” që tani i siguron atij mbrojtje nga policia rast pas rasti.

Sot, në ditën e fundit të seancës, e cila filloi të martën, avokati i Harry-t, Shahid Fatima, lexoi një deklaratë nga princi, i cili nuk ishte i pranishëm në seancën e apelit të tij.

“Mbretëria e Bashkuar është primare në historinë e fëmijëve të mi dhe një vend ku do të shpresoja që ata të ndihen si në shtëpi, edhe nëse aktualisht jetojnë në SHBA. Por kjo është e pamundur nëse nuk është e mundur të sigurohet mbrojtja e tyre kur ata janë në tokën britanike”, citohet në dokumentin e princ Harry-t.

“Nuk mund ta vë gruan time në atë lloj rreziku, duke pasur parasysh atë që kam kaluar, nuk jam i gatshëm ta vë veten në rrezik të panevojshëm,” ka thënë më tej ai.

Princi theksoi se ai dhe gruaja e tij ishin ndjerë të detyruar të largoheshin nga Britania në vitin 2020 dhe të tërhiqeshin nga detyrat e tyre mbretërore”.