Monica Bellucci foli publikisht për marrëdhënien e saj me Tim Burton për herë të parë disa ditë më parë, pasi dyshja ndezën thashethemet për lidhje në shkurt. Bukuroshja italiane e ekranit të madh, 58-vjeç, tha se “e do” regjisorin 64-vjeçar dhe se takimi i tyre ishte diçka që “ndodh rrallë në jetë”.

“Ajo që mund të them… Jam e lumtur që takova këtë njeri”, tha Bellucci në një intervistë për Elle të Francës. “Është nga ato takimet që ndodhin rrallë në jetë… E njoh tashmë njeriun, e dua dhe tani do të takoj edhe drejtorin, fillon një tjetër aventurë”. Dyshja aktualisht janë duke punuar së bashku në “Beetlejuice 2”, të cilin Burton e drejton dhe filmi tashmë ka filluar xhirimet në Londër.

Aktorja 58-vjeçare italiane dhe titani i filmit 64-vjeçar u takuan për herë të parë 16 vjet më parë, por filluan të takoheshin fshehurazi katër muaj më parë, raporton Mirror.

Dyshja thuhet se kanë vendosur ta zyrtarizojnë lidhjen e tyre gjatë Festivalit të Filmit Lumiere në Lyon në tetor, kur Monica i dha Timit çmimin Lumiere në skenë.

Tani, çifti i dashur bëri daljen e tyre të parë publike dorë për dore në rrugët e Londrës. Kamera kapi Monica Bellucci dhe Tim Burton shumë të dashuruar me njëri-tjetrin.

Tim dukej më i ëmbël, duke i mbajtur gjërat të thjeshta në një kombinim elegant krejt të zi, i përbërë nga një kostum dhe këmishë me jakë të hapur. Monika e ka koordinuar në mënyrë perfekte veshjen e saj me veshjet e partnerit të saj, me një bluzë të zezë dhe xhaketë me një dekolte të thellë. Për aksesorë, ajo zgjodhi një mini çantë nga një shtëpi e madhe e modës dhe taka./abcnews.al