Programi me famë botërore “Love Island” do të vijë së shpejti për herë të parë në Shqipëri. Formati do të drejtohet nga moderatorja dhe këngëtarja e njohur, Luana Vjollca

Bukuroshja bombastike, e cila angazhohet herë pas here në projekte të mëdha televizive, këtë herë do të sjellë në versionin shqip emisionin e famshëm reality, “Love Island”.

Së fundmi, moderatorja ka publikuar pak nga përgatitjet e programit duke ndarë disa foto me ndjekësit e saj në Instagram.

“Pak nga puna e jonë e përditshme që bëjmë për @loveisland.albania #soon ??”, ka shkruar ajo.

Për çfarë është Love Island?

Love Island është një emision reality i takimeve të dashurisë ku meshkujt dhe femrat takohen në një ishull, i cili është i izoluar nga bota reale. Tërë kjo bëhet në një vilë të famshme në Mallorca të Spanjës e ku garuesit janë të monitoruar nga kamerat.

Për t’i shpëtuar eliminimit, çiftet duhet të lidhen me njëri tjetrin – qoftë si të dashur, për shoqëri apo për para dhe në përgjithësi çifti që fiton në fund shpërblehet me 50 mijë funte.