Fansat e Taylor Swift  do të kenë më në fund një shans për të parë ngjarjen e koncertit të vitit.

Këngëtarja e “Anti-Hero” njoftoi të enjten se do të sjellë shfaqjen e saj të suksesshme në mijëra kinema në të gjithë Amerikën e Veriut duke filluar nga 13 tetori.

“Eras Tour ka qenë përvoja më kuptimplote, elektrike e jetës sime deri më tani dhe jam shumë e lumtur t’ju them se do të vijë së shpejti në ekranin e madh,” shkroi ajo në Twitter. Filmi i koncertit, i titulluar “Taylor Swift |“The Eras Tour”, do të luhet të paktën katër herë në javë, të enjten, të premten, të shtunën dhe të dielën në çdo vendndodhje të AMC në SHBA, përveç rrjeteve të tjera të kinemasë, sipas një njoftimi për shtyp.

AMC tha se të gjitha biletat për të rritur do të kushtojnë 19,89 dollarë për të festuar albumin e ardhshëm të artistes “1989 (Taylor’s Version)”. Biletat për fëmijë dhe të moshuar do të kushtojnë 13,13 dollarë për nder të numrit të saj të preferuar. Filmi do të jetë gjithashtu i disponueshëm në IMAX për Swifties që duan një përvojë të përmirësuar me një kosto shtesë.

Kur biletat për turneun Eras dolën në shitje për herë të parë në nëntor 2022, fansa të panumërt humbën mundësinë për të parë Swift drejtpërdrejt për shkak të një gabimi të paprecedentë të Ticketmaster.