Shakira është përballur së fundmi me kritika për postimin e saj.

Ndonëse publikimi i saj i fundit nuk u ka pëlqyer të gjithëve dhe ka bërë që ajo të humbasë ndjekësit në rrjetet e saj sociale.

Besnike ndaj parimeve të saj dhe e përkushtuar ndaj shoqërisë siç tregon zakonisht, këngëtarja nga Barranquilla ngarkoi një foto në Instagram për të festuar muajin për të drejtat e komunitetit LGBTQIA+, ose i njohur ndryshe si muaji i “Krenarisë”.

“Shpresoj që të gjithë të kenë pasur muajin më të mirë të Krenarisë (LGBTQIA)! Gjithmonë duke mbështetur barazinë, lirinë e dashurisë dhe miqësisë!”, ka shkruar Shakira.

Mirëpo publikimi nuk u prit mirë nga një pjesë e fansave dhe ka bërë që ajo të humbasë followers në rrjetet e saj sociale.

“Zoti im, çfarë po ndodh me botën”, “Përkrah degradimin e njerëzimit” , “Shakira, ti ke fëmijë, analizoji gjërat si një nënë e përgjegjshme dhe promovo etikën e duhur për mbrojtjen e fëmijëve”, ishin vetëm disa nga komentet.