Ylli i muzikës pop, Bebe Rexha shpesh është hasur me kritika në lidhje me peshën e asaj teksa së fundmi i është përgjigjur këtyre komenteve.

Me anë të një postimi në rrjetin e saj social, këngëtarja u ka dhënë një mesazh të gjithë atyre që e kanë quajtur “të shëndoshë”.

“Për ju që më quani të shëndoshë, thjesht dijeni që edhe llogaria ime bankare është kështu”-iu adresua ajo këtyre komenteve fyese, bashkangjitur me një foto në Instagram.

Bebe Rexha ka arritur pak muaj më parë një rekord prej 14 miliardë dëgjimeve në Spotify, platforma muzikore më e madhe në botë. “Bebe Rexha ka tejkaluar shifrën e 14 miliardë dëgjimeve nga të gjitha këngët e saj. Ajo është artistja e 23-të femër më e dëgjuar në këtë platformë”, thuhej në njoftim.