Në mënyrë ciklike, entuziastët e modës dhe jo vetëm bëhen të fiksuar pas disa artikujve të pazakontë dhe me çmime tepër të larta. Verën e kaluar ishte radha e bluzës së bardhë prej 690 eurosh nga Prada, e dyta fundeve të Diesel me gati 800 euro dhe Trash Pouch nga Balenciaga për 1800 dollarë.

Sot në pistën e viktimave të modës, në vend të kësaj është Chanel, me një bluzë në të cilën bie në sy një qëndisje me rruaza e frymëzuar nga Formula 1, e prezantuar gjatë Koleksionit Cruise 2023. Një produkt i këndshëm që në shikim të parë do të kalonte pa u vënë re, nëse nuk do tw ishte pwr disa influencues– përfshirë Madeleine White dhe Charlotte Casiraghi. Dy vajzattreguan dy versionet e bluzes në Çmimin e Madh të Monakos, duke tërhequr vëmendjen e internetit.

“Unë nuk kam parë F1 dhe nuk më pëlqen Chanel për vite me radhë”, tha një përdorues në Twitter, “por kjo bluzë po më flet!”.

Por ajo që është qartësisht e diskutueshme është çmimi, i pazakontë për një bluzë, prej 4450 dollarësh. Bluza e prezantuar për herë të parë në pasarelë gjatë spektaklit në hotelin Monte-Carlo Beach, përveç interesit në rritje të TikTok, ka gjeneruar edhe një det polemikash dhe debatesh për koston reale. Disa përdorues madje pretenduan se mund të kushtojë deri në 10 mijë dollarë, ndërsa të tjerë i janë afruar çmimit aktual (të konfirmuar nga Highsnobiety) duke parashikuar shifra që ishin rreth 5 mijë ose 6 mijë dollarë. Padyshim që qarkulluan shpejt edhe imitimet e lira të bluzës, e cila me estetikën e saj femërore, por sportive tashmë është në garë për t’u bërë must-have më e lakmuar e verës.