Në një pasdite me diell, në një gjykatë të Francës është zhvilluar një ankand mjaft i pazakontë. Sipas mediave të huaja, dhoma, e rezervuar zakonisht për procedura serioze ligjore, ishte e mbushur me oferta të shumta dhe pjesëmarrës online, me mbi 11,000 njerëz, të gjithë në garë për blerë një nga asetet e sekuestruara të trafikantëve të drogës.

Nga atletet dhe çantat e firmave të famshme Gucci, Yves Saint-Laurent dhe Vuitton e deri te pizhamet e mëndafshta Dior dhe orët Rolex, artikujt e ekspozuar nuk ishin asgjë më shumë se sa të bukura.

Ndërsa në një sallë gjyqi ngjitur, rreshtat e këpucëve Louboutin shkëlqenin dhe vitrinat ishin të mbushura me  bizhuteri të shkëlqyera dhe monedha ari. Por, spektakli i vërtetë ishte një Lamborghini i bardhë i parkuar pikërisht përballë gjykatës, me një çmim fillestar prej 160 mijë eurosh.

Kjo “bukuroshe” ishte konfiskuar nga gjykata e Lorientit nga një individ që kishte nxjerrë në pah pasurinë e tij në rrjetet sociale dhe më vonë u zbulua se ishte i përfshirë në pastrim parash për trafik droge.

Çmimi shkoi në 120,000 €, dhe të dy blerësit vazhduan të ofronin më shumë se njëri-tjetri, duke e çuar çmimin deri në 138,000 €.

Ankandi u organizua nga Agjencia për Menaxhimin dhe Rikuperimin e Pasurive të Sekuestruara dhe të Konfiskuara (Agrasc), në bashkëpunim me Drejtorinë Kombëtare të Ndërhyrjeve Shtetërore (DNID).

Fondet e mbledhura nga ankandi do t’i dhurohen misionit ndërministror për luftën kundër drogës dhe varësisë (Mildeca), për të mbështetur përpjekjet për të luftuar trafikun e drogës dhe për të ndihmuar personat  e varur nga droga.