E hoqi nga Instagrami, por ky postim i Selena Gomez na tregon të vërtetën e raportit me Dua Lipën
Është e sigurt të thuhet se bashkëpunimi i Dua Lipa dhe Versace ka marrë miratimin e shumë të famshmëve. Pasi Taylor Swift veshi një nga veshjet më të bukura nga koleksioni për turneun e saj ‘Eras’, Selena Gomez është ylli i fundit që ka zgjedhur këtë koleksion.
Selena Gomez hyri në Instagram për të postuar disa foto me koleksionin më të ri të Dua Lipës në bashkëpunim me Versace.
Në foton ku Selena kishte dale me një fustan dhe valixhe te zezë me pika te bardha dhe flutura shumëngjyrëshe, kishte shkruar: “A little Versace/Dua moment” me një emoji flutur – (Pak Versace/momenti i Duës).
Nga ana tjetër Dua Lipa reagoi në fotografinë e këngëtares “Lose You To Love Me” duke kometuar: “angeeeeeeeel!!!!”.
Donatella Versace poashtu nuk nguroi në komente duke shtuar: “You are STUNNINNGG!!” me emoji flutur dhe zemër të bardhë – (Ti je mahnitëse).
Gomez u bë kryefjalë e mediave në fillim të kësaj jave kur fansat vunë re se ajo hoqi nga Instagrami një numër të madh të miqve të saj të famshëm. Bella dhe Gigi Hadid, së bashku me Zendaya, Dua Lipa dhe Zayn Malik, u fshinë nga lista e saj.
Më pas ajo e shtoi sërish Duan dhe siç duket mes tyre tanimë çdo gjë është si mos më mirë.
