Zinedine Zidane u aksidentua me makinë të shtunën. Trajneri pati një përplasje të vogël me një makinë tjetër në një rreth trafiku, rrugës për në objektet e stërvitjes së Real Madrid.

Ignacio Fernandez, pronari i makinës tjetër që u përplas me automjetin e Zidane më në fund ka zbuluar detajet e aksidentit.

“Sapo e pashë, e njoha dhe i thashë:” Do të doja të isha takuar me ju në rrethana të tjera, por edhe kjo nuk është keq” tha ai.

Ignacio rregulloi dokumentet e sigurimeve për Zidane më vonë ndërsa i kërkoi francezit edhe një selfie.

“Unë i thashë që mund të kishim një selfie sepse përndryshe, njerëzit nuk do të më besonin nëse do të isha goditur nga makina e Zidane”, shtoi Ignacio.

“Dhe ai me shumë dashamirësi tha po. Ai hoqi kapelën e tij dhe ne e bëmë fotografinë.”

Për fat të mirë, si tranjeri i Real Madridit dhe shoferi tjetër shpëtuan pa u dëmtuar.