Ylli i filmave të Hollywoodit, Will Smith, tha se ka lexuar librin e shenjtë, Kuranin, faqe për faqe Ramazanin e kaluar dhe e ka përshkruar librin e shenjtë si “të qartë kristal”.

“Më pëlqeu thjeshtësia. Kurani është kaq i qartë; është kristal i qartë. Fryma e tij ishte kaq e bukur dhe e qartë”, tha Smith.

“Fryma e tij ishte kaq e bukur dhe e qartë”, shtoi ai gjatë një podcast-i me MBC.

Smith, i cili tha se ka lexuar librat e shenjtë të dy besimeve të tjera abrahamike, judaizmit dhe krishterimit, shtoi se ishte i befasuar se sa të ndërlidhura ishin tre shkrimet e shenjta, Kurani, Tora dhe Bibla.

“U habita se si është si e njëjta histori, nga Tora përmes Biblës dhe në Kuran. Unë kurrë nuk e kuptova plotësisht Abrahamin si baba dhe më pas ndarjen me Isakun dhe Ismailin dhe ishte bukur të mësoja përfundimin e këtij kuptimi”, tha Smith.

Aktori i famshëm, i cili ndodhet për një vizitë në Arabinë Saudite, shprehu gjithashtu “dashurinë” e tij për vendin e Lindjes së Mesme.