Joe Manganiello ka dhënë së fundmi një intervistë me “Men’s Journal” dhe ka folur për divorcin e tij nga Sofia Vergara, pasi kjo e fundit më herët ka thënë se ata u ndanë për shkak se aktori donte fëmijë, ndërkohë që ajo nuk kishte dëshire të ishte një nënë rreth te 50-ave.

Aktori dhe producenti ekzekutiv i “Deal or No Deal Island” tha: “Ka pasur shumë fjalë në shtyp për mua që dua një familje. Kjo thjesht nuk është e vërtetë”.

“Ne u përpoqëm të kishim një familje”, shpjegoi ai. “Dhe ne patëm një bisedë të madhe gjatë muajit të parë që u takuam. Unë i thashë se nëse nuk donte të kishte më fëmijë, atëherë të kuptoj. Thjesht më thuaj, dhe kjo është në rregull. Por nuk ishte kështu me të. Dhe unë iu betova asaj se nuk do të largohesha kurrë nëse nuk do të funksiononte”.

Manganiello më tej shtoi se kur dy njerëz ndahen, ndonjëherë kjo thjesht ndodh.

“Të më pikturojnë sikur kam pasur një lloj krize të moshës së mesme dhe pas nëntë vitesh, iu drejtova dikujt dhe i dhashë një ultimatum: ‘Bëje këtë gjë potencialisht të pashëndetshme për trupin tënd, përndryshe unë do të largohen’. Unë nuk jam kështu”

Vergara dhe Manganiello njoftuan ndarjen e tyre pas shtatë vitesh martesë në një deklaratë të përbashkët korrikun e kaluar. “Ne kemi marrë vendimin e vështirë për t’u divorcuar”,  tha çifti në një deklaratë për Page Six. “Si dy njerëz që e duam dhe kujdesemi shumë për njëri-tjetrin, ne kërkojmë me mirësjellje respekt për privatësinë tonë në këtë kohë ndërsa lundrojmë në këtë fazë të re të jetës sonë.”